與李賽鳳離婚事件鬧得滿城風雨的羅啓仁，昨日在尖沙嘴跟傳媒見面，透露今個聖誕將出書再爆李賽鳳內幕。羅啓仁說：「我會出一本真相內幕嘅書，除咗我之外，我請咗北京好有學問嘅人寫。既然李賽鳳呢兩年幾都喺佢個blog度講佢意見，我公司啲職員話不如用呢個機會，因為美國好多人好似克林頓咁，都有呢啲書，討論感情同愛情嘅問題。」問可擔心被告誹謗時，他說：「冇得告，呢個真相嚟㗎嘛。」
羅啓仁又指目前雖然仍在打離婚官司，但法庭要他每月支付1.2萬美元（約9.3萬港元）的生活費給李賽鳳：「呢個係暫時性，佢話冇錢使吖嘛！但到法庭宣判嗰陣，可能我已經畀咗幾年，唔使再畀佢。」
採訪、攝影：戴彩煥