噚日，金礦股齊齊發威，以招金礦業（1818）走勢最凌厲，全日一共升咗16.8%，而紫金礦業（2899）同靈寶黃金（3330）分別升8.9及4.6%。
招金走勢咁勁，Wavegom就諗：「會唔會同中國甘肅發現咗亞洲最大金礦有關，係咪畀咗招金開採呀？」
甘肅礦畀招金？
大隻金就話：「𠵱家美元咁弱，通脹重臨，首選梗買黃金保值，金礦股點會唔升！」
lunlkl認為：「金價個勢仲有得升，美國減息，黃金等商品應該仲有得炒，不過，招金咁樣升法，要睇定啲先再入。」
紫金每年翻一番
持有招金嘅Littlesam2006話：「家陣已經好好價，係咪應該見好就收，唔好太過貪心呢？」但太陽之手唔係咁睇：「唔貪心點會發達，梗係要賺盡啲！」
Hollunstar就較鍾情紫金礦業，「呢隻股真係好嘢，年年都差唔多翻一番，早輪由五個幾開車，到六個幾，跟住大奇迹日，跌番去四個幾，以為佢玩完咩？梗唔係啦！𠵱家就同你玩爆上！紫金真係要長揸唔放。」
Rogerlee好同意：「呢隻股唔怕高追，回報唔錯。」
http://www18.discuss.com.hk/viewthread.php?tid=5320303&highlight=%A9%DB%AA%F7