【本報訊】有限度輸入活雞及停止輸入所有冰鮮鴨鵝的措施，勢必牽連飲食業，當中以雞鴨鵝做招牌菜的食肆，更是首當其衝。新光集團表示，部份已訂婚宴酒席可能因雞隻缺貨而臨時改變菜式，華香雞更因顧客信心下跌，昨晚已應聲損失三成半生意額。
雖然新一輪廣東禽流感疫潮暫時只發生在鴨的身上，但政府昨宣佈有限度輸入活雞及停止輸入所有冰鮮鴨鵝，並取消較早前公佈中秋節可增加進口活雞至七萬隻的安排。新光集團常務董事總經理胡珠指出，酒樓仍有少量冰鮮鴨鵝的存貨，但估計只可捱多兩、三天，之後就只有雞和乳鴿。
華香雞生意跌35%
沒有鴨鵝，部份雞隻入口又受影響，肯定會搶高雞隻的需求，胡珠說：「雞嘅供應過一、兩日就會短缺，一啲已經訂咗位嘅婚宴同飯局，預選咗炸子雞呢類菜式都要被迫用其他食物取代，我估計就連乳鴿都會短缺。」他指食肆之間昨晚收到風，已即時致電供應商搶貨，必定挾高來貨價兩、三成。
以雞飯聞名的連鎖食肆華香雞負責人盧先生說，連日來廣東禽流感新聞已打擊消費者對家禽的信心：「影響好大，即晚已經冇咗三成半生意。」太興燒味發言人表示，店舖一向只售鵝，估計當存貨用盡後，明日便沒有鵝供應。