每逢中秋倍思親，見到天空大大個月亮就好感觸，不期然諗起身邊嘅親人、朋友，好慶幸今個中秋家人齊齊整整約埋食飯賞月，不過呢幾個月就有啲好朋友唔喺度，於是就諗起老掉牙嗰句「珍惜身邊人」。
靚女公關Sabrina話，地鐵商場今個中秋搵咗10個明星，合力創作兩款好有意思嘅月亮totebag，分別係「滿月形」同「半月形」，主題就係「珍惜」。好似泳兒、鄭希怡好珍惜家人，就喺個袋度畫咗佢啲親人；愛貓如命嘅何韻詩畫咗啲可愛貓貓，希望多啲人愛惜小動物；方力申畫咗啲海豚，叫人愛惜海洋動物。
Sabrina話，9月21日起到23日喺青衣城舉行義賣滿月形袋，同月23至26日喺德福賣半月形袋，每個40蚊，所有款項撥捐地球之友。
Sabrina仲話送10個滿月形totebag畀消費blog啲粉絲，有興趣可寫上姓名、聯絡電話及「索取蘋果消費blog讀者禮物」字樣，email去[email protected]，即日起先到先得！查詢電話：35759033。
逢周一至周四刊出