鋼鐵股升勢認真勁揪，值得一提的是馬鋼（323），該股上周累升12%，係升幅最大H股。馬鋼炒起，自然帶動其餘的鞍鋼（347）及重慶鋼鐵（1053），兩股上周五分別升3.4%及6.8%。
鋼鐵股掀起升浪，側聞係市場預期來年全球對鋼鐵資源需求量有增無減，再睇埋外圍，原來連南韓的浦項鋼鐵的股價都急漲，可見今次鋼鐵股異動，並非只得H股範疇內幾隻鋼鐵股上升。
重慶鋼鐵上月公佈，受惠於產量增長，今年上半年度純利飆升8.26倍，至2.63億元（人民幣．下同），每股盈利0.163元。此外，公司主營產品鋼板材銷售價格急升至每噸4100元，亦是帶動盈利急增的主要原因。
以上周五收市價4.84元計，重鋼現年PE15倍，估值偏低，上周五破旗而上，相信升穿5.25元高位唔係難事，破頂睇5.5元。