自從Sony及任天堂分別推出PSP及NDS兩款手提遊戲機後，街上隨處可見手執一機的機迷，然而當他們埋頭自娛時，網民vih卻「睇唔過眼」，怒斥：「諗住搭車時可以小睡，點知啲人打機開到鬼死咁大聲，驚死人唔知你有部時下最受歡迎嘅遊戲機咁！」
除了遊戲機聲浪擾人外，他又批評機迷由於雙手忙於打機，經常將身體挨着地鐵車廂內的扶手柱借力，指這些公交「柱男」、「柱女」做法自私，「啲人完全唔理其他人感受，只顧自己開心，好憎啲人喺MTR打NDS或PSP。」網民queen_csk表示坐巴士情況更惡劣，「搭巴士仲慘，巴士行車聲浪冇地鐵咁大，所以有一個人打機，即刻影響到全車人不得安寧。」
本身是機迷的網民「mschanchan」表示，「我都好憎啲人打機開到大大聲，如果要打機唔該好似我咁戴headphone啦！」Net神與mschanchan一樣，平時搭地鐵返工都會打機，但就會插上耳筒避免擾人。網民evercreative更徹底，他說：「我都不時有玩NDS，但都會關閉咗個音效。」
http://www14.discuss.com.hk/viewthread.php?tid=5289832