17/09/2007
天晴
最新動態
阿仙奴球迷喺剛過去周末一定過得極愉快，不能否認贏來帶運，其實應該係死敵熱刺沒有好好把握機會，但球隊對爭勝嘅渴求（desperate），現階段實在無人能擋，過去兩年嘅失敗及雲格堅持棄用老將用小虎隊，終於初見成績。
阿仙奴亞洲球迷會代表在上周六於本報一封致熱刺球迷嘅公開信寸爆，但喜歡足球，無論你幾囂張，有時就要有咁嘅激情。越做越麻木，不願創新，失敗係可以預見。
阿仙奴開得好，連人氣講波佬何輝也始料不及，其實亦帶出一個訊息，雲格行啱一條適合球隊發展嘅路，一如買優質股，它始終會飛升，問題你有幾多耐性；熱刺用上7億港幣在今屆擴軍，但排陣不知所謂，呢張大支票勢成祖爾嘅催命符，有時唔係有錢大晒，若然只識使錢先可以買成功，其實老闆可以用任何人取代你。
老闆喺周刊專欄仍說他自己有拚命追求成功嘅壯志，小弟自問對足球還是百分百嘅熱誠，你對自己份工又剩幾多desperate？
http://hk.myblog.yahoo.com/footballexperts/
逢周一至五見報
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。