一般人謔稱「煙駁煙」的煙民為「煙鏟」，博客阿鼻發現了可能比煙鏟更勁煙癮的「煙蟲」。事緣上月他在公司準備享用便利店買回來的香煙時，發現其中一支香煙有一個小孔，驚見「煙蟲」在內，似乎想先嘆尼古丁為快，令他啼笑皆非。
阿鼻在「你的blog」公開直擊「煙蟲煙癮比煙民大」的過程，他小心將濾嘴搣開，藏身在內的蟲現身，「仲識郁㖭！見到這位蟲兄時，我其實係興奮多過驚！」煙蟲似乎怕見光，被發現後越鑽越深入濾嘴，令他「不得不忍痛丟掉香煙。」
網友阿鼻表示，這牌子香煙是他十多年的「老朋友」，所以無意因為一條小蟲向傳媒投訴，最終他「毫不留情用火機將條蟲活活燒死，然後彈在公司的地毯上！」
網友「兩文」笑說：「某牌子香煙對你唔錯啦，咁多年先畀你睇佢嘅真面目！」「蚩尤」也謔笑：「條蟲都好勁！為咗補給尼古丁，要亁啃咁多濾嘴，自問煙癮再大都做唔出！」「SE&RED」附和說：「咁都俾你發現到，真係好犀利，條蟲都好識食喎！」
用火機燒死佢
阿鼻解釋用火攻煙蟲是迫於無奈，「如果用手指揑爆佢，會搞到成手都係蟲汁，所以惟有燒。」不過，「狐狸姑姐」卻苦口婆心勸阿鼻戒煙，「我好唔明點解啲人咁鍾意食煙，好多人喺條街度食，希望阿鼻哥冇做呢啲行徑啦！」
http://hk.myblog.yahoo.com/jw !fXMtDimRGBiWWPykXVvkiw--/article?mid=1426&prev=1442&next=-1