梁漢文（Edmond）及周麗淇（Niki）昨日現身港台出席職業安全活動，二人均表示曾於工作時受傷，Edmond最傷一次是由舞台上跌下來斷腳，Niki則於拍攝潛水戲時差點溺斃。
職安健常識問答比賽2007昨日假港台舉行，出席的藝人包括梁漢文、周麗淇及胡琳等，Niki的緋聞男友文彼得也在場，二人大方合照。提到職業安全知識，Edmond表示入行多年以來，受傷最嚴重的一次莫過於從台上掉下來導致斷腳。
「舞台上好危險」
Edmond說：「冇嘢大單得過嗰次㗎啦，舞台上真係好危險，好似有時開演唱會個台未搭好，就更加要留心，所以有時我唔使助手陪我上台綵排，我費事分心顧多一個人。」
至於Niki則表示記得過去拍攝電影時，有一位副導演因長時間潛水，最後因水壓問題令耳膜穿了，她說：「我最深刻印象嗰次，個副導演一上水，見住佢隻耳仔有血流出嚟，之後啲工作人員即時送佢入院。」
拍戲袋鉛潛水
Niki又指當時自己也有份拍攝潛水戲，由於體重太輕，所以要袋幾包鉛在褲中，她說：「嗰次我拍呢場戲都差啲面臨死亡，因為我就快唔夠氣，於是雙手係咁亂抓，點知工作人員以為我做緊戲，最後我就將褲入邊啲鉛拎晒出嚟，想游番上水面，咁身邊個蛙人覺得唔對路，於是即刻衝埋嚟托番我上水。」
採訪、攝影：李珮洳
