吳日言（Yan左一）噚日到商台擔任「小童聲愛唱大世界」評判，一班小朋友表演時一啲都唔怯場，連阿Yan都話非常佩服。阿Yan話記得一年級時都參加過學校表演，但就因為太驚，最後竟然瀨尿，認真醜怪！佢覺得香港啲小朋友比較怕醜，所以佢都鼓勵父母多啲畀仔女參加唔同類型嘅比賽，可以藉住呢個方法訓練佢哋嘅膽量。