香港人結婚越來越講究，除了酒席菜式和場地外，婚宴也日益鋪張，有網民批評近年婚宴已淪為「做show」，一對新人只顧娛己不娛人，到賀親友慘成佈景板。「點解唔可以俾我安安樂樂食餐飯？我嚟恭喜你哋，唔係嚟睇show，都唔係嚟參加遊戲節目㗎！」
呆坐觀賞新人表演
Net神年中接獲不少喜帖，對網民的說法也頗有同感，有時寧願「禮到人不到」避免受罪。網民「新娘」在she.com留言版表示，最討厭婚宴播放新人兒時照片、玩跑馬仔遊戲和玩Bingo等三項節目。不少網民深表贊同，網民「講真」說：「我真係覺得全部項目都好無聊！」他表示「擺酒」應該讓做了「人情」的親友有餐「安樂茶飯」，可是現時婚宴卻要親友呆坐觀賞新人表演。
網民亦批評婚宴時「玩新人」而暫停上菜的安排，導致婚宴延至午夜甚至凌晨才結束，網民May說：「試過司儀唱埋歌，講一大輪廢話，夠膽死九點九先開始食飯！」網民「路過」則試過在婚宴「被迫」捐錢，「有次個司儀話𠵱家物價貴，如果想新娘早啲生BB，就要大家贊助吓，跟住搵個細路女拎住個箱逐枱要人捐錢。」送了「人情」又要付多次錢，令人氣頂。