「英皇新秀歌唱大賽2007」前晚圓滿結束，但全晚最精采部份竟不是比賽過程，而是大會司儀李思捷和王祖藍精采絕倫的「扮嘢」表演，二人先後扮譚詠麟、郭富城、林子祥、盧冠廷和莫華倫，引得全場觀眾笑破肚皮，令一班參賽者頓時淪為佈景板。
張信哲前晚與吳浩康、洪卓立、泳兒和鍾舒漫等為「英皇新秀歌唱大賽2007」擔任表演嘉賓，又與容祖兒（Joey）等任比賽評判，結果由6號駱振偉勝出奪得「金咪大獎」，而8號陳聞平則獲「觀眾海選票王」。然而，前晚新秀高潮所在並非比賽過程，也非嘉賓表演，而是大會司儀李思捷和王祖藍精采絕倫的扮嘢表演。
Joey聞A貨即黑面
李思捷前晚在節目中先後扮譚詠麟、郭富城和林子祥，王祖藍則扮鍾景輝、盧冠廷、女高音和莫華倫，二人表演引得全場觀眾捧腹大笑，相比之下一班參賽者比賽氣氛顯得相當沉悶。對於搶盡參賽者風頭，王祖藍說：「唔好咁講，多謝歌手fans支持啫。」王祖藍雖然從小便有跟老師學唱opera，但揚言唱女高音部份難度甚高。至於李思捷則說：「公司有問我哋扮邊個會擅長啲，以前我同王祖藍都合作過，今次都幾好玩。」
A貨容祖兒譚情前日以「燒鵝湖look」開記者會，前晚記者問Joey有何睇法時，她即時黑面說：「咁點呀？總之希望佢工作順利，身體健康，人哋做嘅嘢我唔理得咁多，各有各風格。」談到參賽者水準，Joey表示男仔水準較高，認為新人不是職業歌手，難免臨場會表現緊張。張信哲亦指男參賽者水準較高，並說：「諗番起自己當年參加歌唱比賽，原本諗定晒啲台風，點知上到台將隻手插落袋之後乜都唔記得晒。」
此外，吳浩康緋聞女友莊思敏前日穿內衣褲行騷，問他可會介意時，吳浩康說：「邊到我介意。」莊思敏演出前可有問他意見？吳浩康反問：「點解要問我，問都問佢阿媽啦！」
採訪、攝影：王崇穎
