袁潔瑩（Fennie）近期俾人話厭食症復發，所以體形又暴瘦咗，雖然佢曾經否認消息，但佢啲朋友見佢瘦成咁，真係幾擔心。前晚Fennie就喺中環IFC一間酒吧舉行生日會，慶祝38歲生日，出席嘉賓當然唔少得密友阮嘉欣，其他賓客仲有上山詩鈉、柏安妮、張學潤、關寶慧同梁思浩等，主人家一早到場後就企喺門口迎賓，前晚睇佢似乎又肥番少少，冇之前咁瘦喇。
黑布遮場地
今次Fennie揀咗一間玻璃外牆嘅酒吧搞生日會，但佢又唔想畀記者影到入面生日會嘅情況，所以專登搵人用黑布遮住晒，其間阮嘉欣出嚟去廁所，有記者問佢送咗乜嘢畀Fennie，佢話：「送咗好多禮物畀佢，其他好朋友都送咗好多禮物呀。」至凌晨兩點幾，眾人開始陸續散去，Fennie同阮嘉欣一前一後行出嚟，好明顯Fennie有啲醉意，有記者問佢有乜生日願望，佢話：「想你哋身體健康，你哋都好啲！」
