髮型天天如是，很易令人沉悶，近日幾位潮星不約而同齊跟長髮風，改變髮型迎接新季：Twins嘅阿Sa及劉心悠都捲了一頭長曲髮，可愛到爆嘅教主楊丞琳更剪了搶眼水母頭，睇嚟要走在潮流尖端，必學潮星新造型。
記者：郭佩韻
攝影：伍慶泉、陳陶鈞
Bob頭＋Layer
可愛教主楊丞琳的長髮Bob頭深得民心，近日為出新唱片，她剪了個水母頭示人，可愛程度即時推高10倍。二十幾歲仍如此青春又有型，唔多唔少都要歸功出位水母頭。
Model：Coie@Umovie
Makeup：PHYSCheung
Hair：[email protected]
Steps
1.把長髮分上下兩部份，先把上部分頭髮剪成一層層layer如Bob頭般。
2.把額前頭髮剪短至眉上，髮尾剪碎，額側角位變圓，造型似水母。
3.把後方頭髮剪成一層層，可以長短不一致，髮尾亦要剪碎。
4.再把頭頂頭髮吹至散亂，頭頂要鬆起，成少少Bob頭效果。
Chin.G髮型師阿Eas說：「剪水母頭先要把頭髮分part，要保留部份頭髮唔剪，另一部份頭髮當剪冬菇頭咁處理，髮尾仲要少少碎，先唔會咁呆板。」
楊丞琳新唱片封套，水母頭圓菇菇的，十分可愛。
Bob頭＋微曲
早陣子Bob頭成風，個個女生都爭住剪，劉心悠今個秋冬就整個遲來的Bob頭加微曲髮尾，令人看來成熟。想整唔難，只要用個捲髮夾便可，再唔明嘅仲可以跟日籍髮型師MikiMakabe即席偷師㖭！
Model：Wiyona@Crewsmodel
Makeup：[email protected]
Hair：MikiMakabe@BEAUTRIUM
Steps
1.首先把髮尾1/3頭髮捲於捲髮夾上，捲一圈後等約5秒，再往下拉。拉時可反手把捲髮夾由左扭至右，曲度會持久點。
2.額前頭髮可用捲髮夾向內拉直，營造少許弧形，令整體髮型統一。
變化1
阿Sa大曲髮
髮型師MikiMakabe話今季興大圈曲髮，由頭髮中間至髮尾微微鬈曲，就好似近期阿Sa駁成的一頭長曲髮咁，易襯又有女人味，要學同樣都係用個捲髮夾就掂！
由頭髮中間開始，把頭髮捲於捲髮夾上等5至8秒，再讓頭髮自然散開。可以用手把曲髮揚散，令曲度平均些。
變化2
夾實兩邊
如果覺得只是曲髮太單調，可花點心思變一變，學阿Sa把左右兩邊部份頭髮收起，後方曲髮自然散開，咁整個look就可加添少女味。
拿起左邊一小束頭髮，向內扭兩圈，用髮夾夾實。同樣方法夾右邊頭髮，噴hairspray定型。可用髮泥把額前頭髮撥向一方，突出面部輪廓。
BEAUTRIUM日籍高級髮型師MikiMakabe：「今個秋冬好興長髮，不過要厚身，曲髮就興大圈，鬈曲度由中間至髮尾已足夠。」
