去年爆出以億元高昂學費習舞的滙豐高層王以智，前晚在灣仔出席晚宴時，揚言沒再跳社交舞轉為愛上打ThaiBoxing，更勤打打出老鼠仔。賭王何鴻燊今年5月捐3,800萬予英國牛津大學，前晚他開心透露中秋將到當地，由前港督彭定康手上接受榮譽院士光榮。
意大利珠寶Bvlgari前晚在灣仔君悅，為香港藝術中心成立30周年舉行晚宴，何超瓊及船王包玉剛女兒包陪麗出任籌委主席，請來特首曾蔭權主禮，賭王何鴻燊、霍震霆、胡應湘、謝玲玲、趙式明、陳文媛與男友等均盛裝出席。
扮打得唔請保鑣
滙豐亞洲區私人銀行行政總裁王以智（Monica），去年因億元學跳舞案而聞名，前晚她一身黑裙出席，問到現時可有跳社交舞？她說：「冇跳囉，我都冇時間，成日要飛。」莫非因之前的案件而不跳？她說：「唔係，𠵱家玩其他，好似modernballet、jazz同ThaiBoxing，各樣都鍾意，尤其係boxing，打咗幾個月。」
對於打拳是否有收身效果，王以智說：「咁又唔知，至少有個款，唔打得都好似打得咁。」她更向記者大騷其手臂的老鼠仔，問如此打得，豈非可以省回保鑣錢？她即時說：「唔使請，我都係普通人咋。」
寶石鏈贈二姨太
何鴻燊即場大跳ChaCha，他透露已在場內買了一套寶石頸鏈，贈予二姨太藍瓊纓，問他其他姨太豈非詐型？他說：「冇問題，家和萬事興。」
至於中秋陪那位太太？賭王說：「我去英國倫敦，牛津大學頒咗個榮譽院士畀我，因為彭定康喺嗰度做主席，佢畀我，我一定要去，同埋順便見吓啲仔女。」何超瓊即幫口解釋說：「有啲細佬、妹喺嗰邊。」指在英國留學的四姨太女兒何超盈等。
採訪：MaggieLaw
攝影：ChenWaiOn
