正值盛年的阿仁因患雙膝關節退化，行動不便，更因出現骨枯，隨時面臨截肢危機。他剛獲房屋署發配公屋單位，欲為大門安裝鐵閘，以確保安全，惟他無力支付2,100元費用。蘋果日報慈善基金了解其個案後，已撥出有關款項助他解困。
阿仁今年43歲，自少家境清貧，身為家中長子，他於13歲完成小學教育後，便出社會工作。此後20多年間，他曾在製衣廠、電子廠、酒樓及速遞公司工作，雖然勞碌，但生活逐漸改善，03年置業。
03年雙腿出現問題
可惜好景不常，同年底他雙腿開始出現問題，漸漸不良於行，需依靠枴杖助行。「當時揸緊的士，但係身體唔好，係久唔久揸一日，幾乎冇收入，層樓供唔到，都賣番出去。」在積蓄耗盡後，他領綜援維生。
生活困苦沒有打倒阿仁，但惡疾卻令他驚懼不已。「醫生話我係雙膝關節退化，唔單止冇得醫，而且出現骨枯，如果唔好彩，仲要切除雙腿保命。𠵱家枴杖只能夠幫我行幾步，要行遠啲，就要靠輪椅。」
命途坎坷的阿仁得社工協助，早前獲發配公屋單位解決居住問題，令他對生活重燃希望。他笑言：「家具電器我都喺之前租住嘅舊屋搬咗過嚟，但係新屋冇鐵閘，要買一道閘連安裝，就要二千一蚊，我實在負擔唔到，好彩蘋果日報慈善基金幫忙，先可以解決困難，我真係好感激。」
捐款編號：C2414