旅行時有良朋相伴當然最好不過，但要培養膽識及學習獨立，彈珠人認為還是一個人旅行比較好。
「點樣幫自己影相？」
迷你論壇網友「zaqmlpnko」認為，「自己一個人去，想做乜就做乜，唔需要解釋，只向自己負責，某程度上係唔錯，但好難避免有感覺寂寞嘅時候，但如果跟志趣不同嘅人去就仲衰，當有啲景點覺得好正，想留耐啲，佢哋係咁呻悶催你走，嗰種感覺真係想打佢。」「阿爪」回應說：「睇你識唔識同自己相處啦！」
「cht」也有此經驗，「之前話就話兩個人去旅行，但多數都係我睇地圖，搵邊度搭車，永遠都係我行先！」「森美」稱單身上路很不方便，「一個人去旅行最麻煩係啲行李，無時無刻都要提高警覺。」「cleansky」提出一個未有網友答得圓滿答案的問題，「一個人點樣可以幫自己影相影得好啲？」各位有好方法，可以到「蘋果講場」告訴給我彈珠人。
http://www.miniforum.org/showpost.fcgi?MGID=2140234&FID=81&page=1&tempid=2