徐濠縈前晚往中環出席一個運動品牌的派對，早前她帶緋聞男友Marcus與丈夫陳奕迅（Eason）一同出席鄭希怡的生日派對，傳聞此舉令Eason極度不滿。前晚徐濠縈否認此事說：「成大班朋友有男有女，Eason都識，只係佢唔喺間公司，（雜誌）寫衰佢之嘛。」
吳雨霏（Kary）前晚以代言人身份在中環出席運動品牌Reebok的派對，她夥拍DJWeezy在台上捽碟，不過似乎完全不熟悉，表現慌張。同場還有黃貫中擔任表演嘉賓，吸引了楊洛婷聯同男友、DearJane主音黃天翱拍拖到場，徐濠縈也偕朋友出席派對。
逐個朋友道歉
早前有雜誌指徐濠縈和陳奕迅出席鄭希怡的生日派對時，她帶同緋聞男友、「底褲大王」家族成員Marcus到場，有指此舉令Eason十分憤怒。前晚徐濠縈否認此事，她一見記者即主動說：「Eason唔喺香港，佢知我出嚟玩，雜誌嘅嘢我唔回應。」其後她又笑說：「真係好好笑，成大班朋友，有男有女，Eason都識，只不過佢𠵱家唔喺嗰間公司，佢哋（雜誌）先寫衰佢之嘛，好無聊。啲朋友真係慘，Eason要逐個打電話畀佢哋講唔好意思。」
日前謝霆鋒兒子振軒擺滿月酒，徐濠縈表示沒有出席，她說：「唔想去，會私下送禮物畀佢，因為去親佢間公司嘅活動，會俾人寫啲唔好嘅嘢，我私底下有見過個BB，佢好靚，覺得佢似霆鋒多啲，不過BB個樣會成日變。」
上海賞音樂劇
查實Eason前晚在上海以嘉賓身份出席「為中國喝彩——音樂劇之夜」的活動，坐在評委席上的他，聽到台上OP組合落力演唱他的歌曲《愛是懷疑》，不禁輕聲地跟唱，之後他並跟參與的選手一同演出音樂劇。
此外，吳雨霏穿上牛仔裙到場並配襯黑色leggings，她說：「原本我淨係着牛仔裙，但嚟到綵排發覺嗰台太高，所以要加條褲，想sexy少少都唔得。」
採訪：卓寶花
攝影：葉君海
