壓軸登場嘅係日劇女王篠原涼子，佢今次做代言人，唔似其他靚女咁，揸吓車擺吓Pose就算，而係嚟真剪髮又剪裙，而且據聞佢仲係自小學之後第一次剪短髮，都咪話唔突破。三十有四嘅篠原，喺日本被視為愛情事業兩得意嘅女星，係成熟女士人辦，咁就梗係家庭用嘅方匣子車嘅最佳代言人啦！去年大發喺日本推出全新方匣子多功能車Coo（即香港版嘅Materia），演慣儍大姐嘅篠原喺廣告中大賣美艷大膽，即時揮剪將一頭長髮剪掉！第二條片，短髮嘅佢又再揮剪，今次係剪裙！係咪越聽越想睇呢？兩條片喺香港大發嘅官方網頁都可以睇到，仲唔即時Click入呢個網址睇睇！
記者：禾人
性感中女篠原涼子，一樣令你噴鼻血。
網址： http://www.daihatsu.com.hk/cn/introduction.php?id=25
