天水圍栢慧豪園熱賣過後，多個市區單幢新盤準備接力，雖然現時無乜新貨揀，貨尾居多，尤其係市區，有多個貨尾盤可參觀，特別係近年樓價升唔少嘅西九龍一帶，新地（016）君滙港同信置（083）一號銀海，雖然售價唔平，勝在近機鐵站和奧海城商場，兼現樓即買即住。
睇完樓，不妨去奧海城行個圈，中秋節就到，商場搞咗個「奧海城．當月兔遇上忌廉時」應節活動，場內展出全港最巨型士多啤梨蛋糕花燈「星月繽薰兔」。仲有時間，可以去埋旺角新世紀廣場，商場亦搞咗個同中秋有關的活動，消費滿八百蚊，就可贏取朱古力月餅。
另外，黃大仙新盤匯豪山就快賣，附近嘅鑽石山荷里活廣場，就搞咗個同西部牛仔有關的節目，場內更有金沙池，好彩的話，話唔定有金執！
