今年5月因意外逝世嘅日本組合ZARD主音坂井泉水嘅追悼音樂會，前日喺武道館舉行。音樂會播出坂井生前片段，尾聲時全場13,000名歌迷更一齊起身大合唱名曲《別認輸》，場面感人。另外，坂井去年4月患病時錄低嘅新歌《GloriousMind》亦於音樂會上首播，歌曲將會成為下月15號播出嘅動畫《名偵探柯南》主題曲，並喺今年內推出CD。