美國IndustrialRock班霸NineInchNails（NIN），前晚首度在亞洲國際博覽館開騷，樂隊以激烈的搖滾音樂令在場樂迷瘋狂忘我，NIN更利用特殊鐵幕大玩耀目視覺效果，fans也興奮得爆粗大叫。
全場觀眾齊呼喊
以主音TrentReznor為首的NineInchNails，一直以其集合工業噪音及Synth-pop電子音樂的重型搖滾影響了MarilynManson、Korn和LinkinPark等樂隊。前晚是NIN自89年走紅以來首次來港演出，吸引過千名忠實樂迷到場朝聖。由於演唱會全場企位，樂隊出場奏起震撼純音樂開場曲《Hyperpower》時，全場觀眾已衝近台前，又瘋狂搖頭起舞，更有樂迷在觀眾頭頂上玩插水。
緊接的《TheBeginningoftheEnd》響起時，fans均隨着重型鼓聲拍手，主音Trent也興奮得將手上的鈴鼓拋向觀眾，後來又拋水樽讓觀眾降溫。當他以歇斯底里又具磁性的歌聲唱出《TerribleLie》時，全場也叫喊着「TerribleLie」，盡情宣洩情緒。儘管當晚出現的《MarchofthePigs》、《Closer》和《Wish》等代表歌曲內容充斥性虐暴力意識，但樂迷絕不大驚小怪，只會盡情跟着唱和。
雖然前晚NIN已沒有出現又推又踢打爛鍵琴的狂野台風，但他們巧妙地運用特殊鐵幕，炮製令人目瞪口呆的視覺效果。
拋咪架狂野完場
樂隊一時猶如置身電子世界當中，一時又儼如吸進畫面之內，有fans更興奮得讚嘆說：「好X型！」NIN並重唱了JoyDivision的名曲《DeadSouls》，Trent最後也仿若置身星光之中，邊彈keyboard邊唱NIN的慘烈代表慢歌《Hurt》，臨別前Trent還將咪架拋落台，將它送給了觀眾。
採訪：張一明、羅慧敏
攝影：仇志德
明星Fans
黃貫中癡迷10年
前晚舉行的NineInchNails演唱會，吸引不少藝人捧場，當中包括黃耀明、黃貫中及李惠敏等。黃耀明表示自己是忠實NIN擁躉，他說：「佢哋係90年代一隊好重工業噪音嘅band，聲響做得好好，自己特登買飛入場，佢哋嘅音樂為我嘅production帶嚟影響。」
至於黃貫中則與胞弟黃貫其及一班友人前來，他說：「雖然我聽晚都要喺中環開騷，但我都特別同朋友嚟捧場，我鍾意咗佢哋10年喇，佢哋係Rock&Roll嘅先驅。」
