朱茵和黎諾懿昨日到Emax出席一個有關有機蔬菜的烹飪活動，朱茵即席示範炒菜，不過她卻有點雞手鴨腳，原來她以前下廚時曾被滾油濺傷面，所以自此害怕炒菜，她笑說：「我俾油彈親塊面嘅陰影太大啦，所以我每次炒菜一定會着長袖衫、戴口罩同埋戴潛水鏡。」
用錯保鮮紙
朱茵又透露曾為男友黃貫中（Paul）下廚，可惜換來的評價是「大鑊」兩個字，她說：「嗰次我用微波爐蒸魚，點知就用錯普通保鮮紙，蒸完出嚟啲保鮮紙就熔晒落條魚度，之後我就冇再煮過嘢畀阿Paul食。」最後朱茵表示要等阿Paul將其下廚的陰影除去才會再下廚，她說：「我要再吊吓佢癮，等佢唔記得晒我之前啲瘀嘢先會再整畀佢食。」
採訪、攝影：李珮洳