10個月大男嬰熙熙生長在一個低收入家庭，早前其父母被業主要求提早遷出單位，二人為要應付突如其來的搬遷開支，花盡積蓄。其母阿寶眼見家中奶粉快要吃完，擔心兒子隨時斷糧，心急如焚，遂向本報求助，盼可獲援手度過難關。
一家三口收入七千
「大人冇得食冇所謂，但係細嘅，唔通由得佢餓死？」26歲的阿寶哽咽地說。阿寶丈夫在超級市場任職理貨員，每月約有7,000餘元收入，僅足一家餬口。怎料原本同住的小叔，因為早前誤墮求職陷阱，欠下2萬多元債務，自5月起不斷被人登門追債，令他們不但過着提心吊膽的日子，更惹來業主不滿，要求他們提早遷出。
阿寶一家生活一向捉襟見肘，突如其來的轉變，教夫婦二人手足無措。她與丈夫向親友借款，勉強應付新居租金按金，「老公要月尾先出糧，手頭剩番嘅錢，都唔知捱唔捱到呢個月！」望着快要吃完的奶粉及餘下的八塊尿片，阿寶悲從中來。
擔心患病無錢求醫
「𠵱家剩番千零蚊，只夠老公返工搭車同食飯，呢幾日我早午餐都冇食，要留番啲錢畀個仔。」由於熙熙長期腸胃不適，以致營養欠佳，上月更看了六次醫生，阿寶憂心兒子一旦不適，也沒錢求醫。「我𠵱家只希望先買奶粉同尿片畀個仔，其餘嘅只要捱過呢個幾月，到時再諗。」
蘋果日報慈善基金有見熙熙可能要捱餓，已安排撥款3,000元以濟阿寶燃眉之急。
捐款編號：C2411