樓上嘅牽牛閒時會睇電影消遣，藍鑽石唔同，公餘活動梗係湊皇帝女。我啱啱趁佢一歲牛一攞咗3日假，亦因為咁至知囡囡原來已識得好多嘢。都市人，平時實在忽略咗太多身邊重要嘢……
放假期間，多得收費台靚女公關來電，我至知本周兩個台共有8場意甲直播，我姑且稱今周為「意甲周」；呢場商業戰，意甲躉果然最受惠。
重心偏偏揀明晚冇直播嘅巴勒莫贏拖連奴，小弟上季喺本欄成日貼中嘅球隊係賓菲加，主將米高利現效巴勒莫，望「朱古力波」續當我財星。
主客和：巴勒莫勝
心得：有朱古力波，冇甩拖
近5場往績：輸贏輸贏輸
藍鑽石
忙於為與簡拿華路同日生的囡囡換片、掃風，但睇意甲，一場都不能少。