名模楊崢、張文慈、劉綽琪及陳沛嘉等，昨日在澳門為慈善出戰齊賭百家樂。一眾女星女模未埋賭枱，先行鬥性感肉搏，張文慈及劉綽琪以低胸裙搶鏡，前者自爆為股票荷爾蒙失調爆瘡，後者高調歡迎蔡少芬加盟亞視爭食，但風頭卻不敵穿魚網襪不慎露底的楊崢。
昨日在澳門新葡京舉行的「第三屆澳博百家樂國際真高手挑戰賽」，請來大批女星出戰，如張文慈、劉綽琪、名模楊崢、陳沛嘉、歌手蔣雅文和關智斌等紛紛盛裝赴會。
炒股谷出暗瘡
一眾女星名模未埋賭枱，先行鬥性感肉搏，張文慈和劉綽琪各以戰鬥格的DeepV低胸裙上陣，大露背短裙配魚網襪的楊崢，則不慎露底走光。張文慈自言近期狂出暗瘡，她說：「我買股票出事，荷爾蒙失調，因為個市上落大，我朝朝一早起身，好緊張，好彩都賺咗幾萬蚊，不過賺埋唔夠睇醫生。」
劉綽琪被問到有傳亞視以800萬簽蔡少芬過檔，她說：「咁就好，吸納多啲觀眾對個台都好啲。」她表示仍有數個月約，劉綽琪說：「我會以大局為重，唔加人工都冇所謂，唔擔心大地震。」
眾星輸錢行善
慈善賭局上，眾星每人有2萬5千元慈善賭本，不過贏多少都會捐給澳門的慈善機構。現場所見，關智斌最水皮，十鋪內已輸清光，反而自稱首次在賭場賭錢的蔣雅文和楊崢則頗有斬獲。可惜，最後一鋪，新葡京高層呼籲大家盡地一煲，最終所有人全軍盡墨，但大會仍捐出30萬善款。
採訪：梁錦雯
攝影：陳順楨
