女足未必係你哋心中杯茶，但今屆女足世界盃，就牽動住本報名家嘅情緒。好似揭幕戰德國大炒阿根廷11:0嗰場，「走地王」牽牛邊睇邊「走地」，睇到嘴舐舐；畢傑就話德國欺人太甚，唔鍾意喎！
到第2日，美國及瑞典都係打和，輸到眾人頭耷耷；而英格蘭躉蘋果波神就猛叫人發功，幫英軍反勝日本，點知英軍最後只能打和，佢就賴牽牛「黑腳」；星期三中國臨尾贏3:2，真係全場雷動。
既然大家都咁捧場，今期梗係要女足啦！巴西有女球王瑪達，中國有主場，入球開硬「大」。
大細：巴西女足大
心得：巴西中國不乏射得之人
近5場往績：贏贏輸輸輸
吾中
買嘢講名牌，但賭波一定唔會做名牌奴隸嘅大聯盟女神。