吳卓羲與陳鍵鋒昨日為劇集《四大名捕》在藍田拍外景戲份，由於二人飾演捕快，所以當中有不少打鬥場面，劇中講述陳鍵鋒輕功了得，昨日拍攝他揹着另一人逃走，可能一大清早未清醒便開工，當陳鍵鋒揹着身後的人逃走時，腳軟連背起人的氣力也沒有，事後他笑言：「我個人都未回魂，梗係腳軟軟啦，仲要我後邊個人跳住咁騎上我背脊，搞到都唔夠力孭住佢。」
吳卓羲爛面捱熱
吳卓羲則要爬地救人，他謂：「因為呢套劇講我哋係捕快，所以都有唔少打鬥同危險動作，都會幾辛苦，不過最辛苦都係熱囉，因為我好大汗。」今次他一改以往靚仔形象，面上化了一道疤痕，吳卓羲說：「因為講我喺樹林居住，係一個野人，所以周身都係疤痕。」
採訪：胡比
攝影：林德雄