𠵱家喺中國打緊女子世界盃決賽周，女子足球雖則冇男子足球咁刺激，但喺技術層面一啲都唔輸蝕，所以都好好睇。男人睇女人踢波，難免會評頭品足，我哋有位名家仲抵死到話英格蘭女足嘅9號球員阿魯高，個樣十足十效力熱刺嘅英格蘭前鋒戴倫賓特。
查實有啲都幾好樣，好似係美國嘅5號球員泰比莉、英格蘭嘅10號球員姬莉史密芙咁，球迷下次睇女子世盃時可以留意吓。今日4場女子世界盃分組賽，祖國班囡囡喺武漢對巴西女足，身為龍的傳人，梗係要捧場啦！
主客和：中國女足勝
心得：點都撐祖國
近5場往績：輸贏輸贏贏
青蛙仔
睇德國波同埋英國波大，大個之後攻埋日本波，兼且對日本藝能界幾有研究。