童言無忌，經常令成年人哭笑不得，媽咪在親子王國講述兒女發問令她們尷尬的問題，「彈珠人」看後笑得合不攏嘴，也明白甚麼叫樂而不淫了。
想買粉紅色胸圍
「edithedith」表示，有次在大牌檔吃飯，女兒指着鄰枱一班金毛青年說：「媽咪，呢啲係咪就係飛仔呀？」女兒出言不遜嚇得她魂飛魄散；「queenie7267」的女兒看到祖屋神枱上有爺爺的照片竟問：「點解佢擺張相喺度嘅？咁你嗰張呢？」激得她想死！
「Stephinetam」稱，最尷尬一次是在超級市場發生，「囡囡指住啲衞生巾好大聲話：『媽媽，你啲片片呀！』」「Carollam310」買胸圍時與3歲幼女同行，女兒忽然說也想買一個粉紅色胸圍，身為媽媽的她解釋要大個女才需要用，豈料女兒反問，「係咪要好似你兩嚿嘢咁大先買得呀？」「咕怪媽咪」的經歷更令人面紅，「搭地鐵時囡囡見到我露bra帶，仲大大聲講：『你啲鹹濕出晒嚟啦！』搞到全地鐵車廂啲人都望住我，睇我有咩鹹濕嘢露咗出嚟！」
http://forum.baby-kingdom.com/viewthread.php?tid=1106565&extra=page%3D3&page=2