呢個禮拜香港政壇可以話風起雲湧，「陳四萬」宣佈參加港島區補選，而佢昔日舊同袍「掃把頭」就仲未知參唔參戰，如果後者加入戰團，咁「陳四萬」大戰「掃把頭」呢場好戲隨時好睇過曼聯惡鬥車路士，作為港島區合法投票人之一嘅我，真係想快啲投下神聖一票！至於我投邊個就唔方便講，但我個人就鍾意打牌多過清潔囉！明未？
講番今次推介，「陳四萬」走番出嚟擔大旗，感覺就好似曼聯嘅基斯坦奴朗拿度（C朗）今日復出，領軍作客「拖肥糖」，令人信心大增！
除咗C朗，上場勇救曼聯嘅沙夏表現唔差，仲有大家千祈咪唔記得朗尼隨時神奇復出，加埋加利佬又話就踢得番，「夫添」嘅曼聯就快可以成形嘞！如果咁嘅陣容都唔支持，會唔會過份咗先？！
主客和：曼聯勝
心得：C朗復出信心大增
近5場往績：輸贏輸輸輸
賴恩
以小博大，務求打破上季命中逾千倍波膽過關紀錄！續拒雞肋回報！