聖伊天主場威力強勁，加上對升班馬格外醒神，周六對卡昂贏波多取3分冇問題，主W不妨早押，臨場未必再有咁好分頭。
聖伊天呢支南部球隊，主場威力一向有番咁上吓，上季就19戰取得11勝，勝率超過5成；而且對升班馬有一定把握，上季已經贏過羅連安特同華倫西恩斯，前仗亦主場以2:0淨勝斯特拉斯堡，今次遇上法甲經驗更淺的卡昂，3分可期。
聖伊天今仗亦有喜訊，傷兵芬杜奴可望復出，球隊有呢位已攻入3球的前鋒，信心更加增強；相反卡昂除了升班首仗擊敗尼斯後，之後表現平平，近4仗只得1和3負，兩場作客全輸；而且卡昂傷兵甚多，卡爾史雲遜、馬蘇利、保簡索特等仍然缺陣，射手甘賓亦狀態低沉，今仗料難反底。
文：牽牛