古巨基前晚在紅館演出個唱尾場，劉偉強、樂易玲、鄧麗欣、吳京及傅穎等都有捧場，全晚反應異常熱烈，三度安哥才散場，觀眾多次歡呼起哄，基仔笑說：「你哋鍾意嗌，等你哋嗌爆佢，我先講嘢。」現場即叫聲震天。後來基仔唱《追》時，他說：「今日係哥哥（張國榮）生日，將呢首歌送畀佢。」
周慧敏三度擔任嘉賓，她表示在網上看見基仔歌迷留言，讚其個唱好看，她說：「你話你好鍾意唱歌，我哋都好鍾意聽你唱歌，你簡簡單單做真正嘅古巨基，大家就好鍾意。」基仔感動得流淚，二人擁抱達半分鐘之久。
接蝦仔爹哋棒
基仔更興奮得變身爛gag王，頻頻說出「magicmoment，冇嘢冇可能。」及「magicmoment，我屁股好痕」等層出不窮的冷笑話，連在慶功宴上被問到好友林海峰被拍得當眾小便，他也笑說：「magicmoment，我𠵱家好暈。唔識答呀。」及後又謂：「𠵱家冇咗蝦仔爹吔，等我嚟接棒囉。」唱片公司已計劃為基仔開Part2演唱會，他說：「因為成個騷係設計四面台，所以盡量要喺紅館做番，公司要搵期。」
採訪：馬建華
攝影：林德雄
