郭秀雲前晚抱恙到太古廣場，出席Escada時裝騷活動，一向是Escada迷的她一身中性打扮，她透露近日忙於錄音，她說：「近排開始忙關於音樂嘅工作，不過呢排有病，錄音時把聲都沙沙哋，好彩冇走音，咪當把聲比較性感一啲，其實沙沙哋仲好聽。」
蘭子讚男友
同場的陳道然（蘭子）近日雖然被指迫婚不遂，但仍為男友利承武講好話，她說：「我哋做藝人成日都俾生意人白眼，當我哋有麻瘋病，不過佢就冇，好好，都冇畀乜壓力我，所以我要保護佢，作為朋友一定要保護，影響到人哋，我要幫佢澄清。」有記者要求拍攝傳她割脈的手腕時，她即拒絕說：「如果畀你哋影，咪好似特登澄清，我隻腳都全部俾金毛尋回犬抓傷。」
採訪：JessicaNgan
攝影：MatthewLam