因不滿無綫而在月前離巢的王賢誌，近日大爆年前曾被無綫要求整容，他與崔建邦一對寃家昨日分別獲邀擔任由陳志雲主持的全新節目《志雲上素》的嘉賓。二人被要求握手時表現得極不自然，王賢誌更說：「唔係齋食碟飯就冇事囉！」更明寸崔建邦毋須整容：「佢已經咁多嘢做，唔使整啦！」
無綫昨日刻意安排《志雲上素》第二集的嘉賓崔建邦提早到場，與首集嘉賓王賢誌狹路相逢，以收節目宣傳之效，二人被要求握手言和時均表現得一臉尷尬，不過就異口同聲表示沒有芥蒂。
13年寃屈氣難下
王賢誌昨日在節目中被問及的問題大致圍繞他眼紅崔建邦而不續約，及近日大爆被要求整容的新聞。王賢誌明顯是要在節目中上訴及申寃，更向陳志雲大呻：「呢13年嘅發展都唔大，咁耐我都未做過港姐同台慶嘅司儀。」
王賢誌事後被記者問到暢所欲言後是否已解開鬱結，家底雄厚的他竟然說：「唔係齋食碟飯就冇事囉！」不過對於有關他大爆無綫要求藝員整容一事，他說：「我事後都有打畀老表（鄭嘉穎）講我只係講件事，絕對冇話過佢整容。」
無綫總經理陳志雲就強調從來沒有要求藝員整容，他說：「最多都係叫啲藝員整牙同脫癦，反而有美容院要贊助崔建邦割雙眼皮，佢都有問我意見，我話唔需要。」身旁的王賢誌就忍不住插嘴說：「佢已經咁多嘢做，唔使整啦！」陳志雲則沒好氣對他說：「我cut佢啲嘢畀你做好唔好？」
崔建邦絕地反擊
至於崔建邦就表示事先以為只是到場食飯，並不知道要接受訪問，不甘示弱的他說：「我都好想知邊個叫佢（王賢誌）整容，我唔覺佢唔妥我，我都冇唔妥佢。」
此外，陳志雲前晚擔任《2007年邵逸夫獎頒獎禮》的司儀，騷後他被問到王賢誌爆無綫要求藝人整容一事，他隨即否認，並謂有與王賢誌細談其不滿，也隨時歡迎他回巢。
採訪、攝影：卓寶花、卓美娟
