打完兩輪國際賽，下周中歐聯分組賽又開鑼，如果一支球隊又要打歐聯，隊中國腳又多，今周聯賽亦真係要有戒心；西甲嘅華倫西亞就係好例子，周六主場對華拉度列，博華倫再僅熟贏2:1波膽。
馬賽為錢勒住取和
數一數華倫國腳名單，韋拿、大衛施華、米基爾蒙廸路、施積等都剛踢完歐國盃外圍賽，而且仲要係國家隊主力，呢個星期已經好唔得閒；返到華倫報到冇耐，又要準備定包袱去德國，下個禮拜二鬥史浩克04嘅歐聯分組賽，仲邊有心機應付周六主場對華拉度列嘅聯賽；好彩華倫都算兵源多，摩連廸斯、艾比奧爾同希古拿呢啲都冇份踢國際賽，有佢哋撐住，大勝唔講得，小勝2:1可以做到。
法甲嘅馬賽都遇到差不多情況，今季要孭起隊波嘅拿斯尼，亦要入伍法國大國腳；講真馬賽財政一向唔多掂，難得今季有得打歐聯，當然搵錢緊要，下周二主場對比錫達斯的首場分組賽，點都緊要過周六主場對圖盧茲啦；加上圖盧茲歐聯出局後，好似醒神咗，上仗都贏歐塞爾，今仗作客博1:1波膽啦。
飛燕諾「客其他」有計
飛燕諾「客其他」有計
冷膽方面，再追荷甲嘅飛燕諾「客其他」，呢支荷蘭傳統球隊，今季冇得打歐洲賽，一條心踢聯賽，反而戰績有得反彈，聯賽3戰全勝兼入足10球；不過今仗作客洛達，呢支球隊又係鬥攻型，上仗作客狂勝芬洛5:3，開埋「客其他」，不過今次俾飛燕諾反開又唔奇喎，博一博「客其他」冇壞。文：牽牛
貼士
波膽過關3串4
星期六50馬賽和1:1（6.5倍）x
星期六58華倫西亞勝2:1（7.5倍）x
星期日3飛燕諾勝客其他（34倍）
全中2,182倍