馮德倫早前應蔡依林邀請遠赴倫敦拍攝音樂電影，女方所演的特務與男方所演殺手由敵人變情侶，兩人在戲中有大膽的纏綿鏡頭，蔡依林更在片中大晒豐滿身材，馮德倫最後為蔡依林背叛所屬的犯罪集團，結果為愛情而壯烈犧牲。
蔡依林（Jolin）早前為宣傳新碟，不惜工本拉隊到英國拍攝音樂電影，更請來靚仔導演馮德倫做男主角，為求突破，Jolin在這齣音樂電影中不但衣着大膽，與德倫不時有親熱鏡頭，Jolin還在戲中大晒豐滿身段，演出時兩人也難得地自然投入，導演也讚兩人很合拍。
「以為做導演」
馮德倫在百忙中依然遠赴英國拍攝這個音樂電影，他昨日解釋說：「其實好多年前我仲做緊歌星時，已經認識Jolin，諗唔到事隔幾年，佢變化咁大，不但人比以前紅，跳舞又好咗好多，我對佢係越嚟越欣賞，所以當佢打電話搵我幫手，我就一口答應，不過我初時都擺了烏龍，以為佢係搵我做導演，後尾先知係叫我做男主角。」
貼身戲冇心動
在英國拍攝了4日，由於拍攝工作很趕，馮德倫想趁今次機會在當地遊逛都沒有時間，不過他覺得今次拍音樂電影可以與Jolin有較多時間相處，可能對將來找她拍戲時會更容易溝通。記者問德倫與Jolin有如此多身體接觸，會否令他心動？他笑說：「我係專業演員，點會咁冇用，做戲歸做戲，做完就會識得抽身而去。」
問到下部戲會否考慮找蔡依林合作？馮德倫說：「唔係我想搵就可以，如果有啱嘅角色都唔排除合作機會，但暫時我準備開嘅戲，未有角色啱佢做。」
採訪：李全
