13/09/2007.....
天晴
最新動態
現今香港球迷睇外國足球直播比賽已去到氾濫地步，連世少盃、女足世界盃都日日有得播，日職、巴甲時間又夠獨特，今日西線無戰事，賭友係時候瞓番夠本，因為之後你會好唔得閒。
明早有場無謂美職，如果波友真係咁爛癮，要睇文字直播了解戰情，我建議大家登入soccernet個網頁，佢哋幾乎世界各地主要嘅足球賽事都有文字直播或者攻勢分析，最重要係賽前有陣容睇，對部份唔信盤、信軍情嘅朋友玩走地時幫助甚大。
本月餘下賽事密麻麻，嚟緊周中歐聯開番，之後又會踢吓聯賽快車戰，你同我一樣係兩大收費台嘅用戶，都幾唔得閒；不過聽過一位稅務專家講，以我為例，有時要喺屋企交稿返公司，每日除咗十多小時喺公司工作外，另外七八小時不停要留意足籃直播情況，以發掘新聞題材，查實咁樣我已有權向稅局證明，扣除我嗰六、七百元月費作為開支，得嘅話，又唔錯噃！
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報