巴西國家隊近況保持強勢，周三仲以3:1擊敗墨西哥，3年幾以嚟首次擊敗對手。呢場波英雄係卡卡同朗拿甸奴，前者入一球，後者就有角球助攻，睇到教練鄧加係咁握拳叫好，其餘入球者為基巴同艾方素。相信經過呢場波之後，缺席今夏美洲盃嘅卡卡同朗拿甸奴，已挽回教練鄧加嘅歡心，可以安心踢好球會賽事啦！