前晚歐國外英格蘭大炒俄羅斯3:0，威爾斯亦都5:2贏埋斯洛伐克，蘇格蘭作客1:0擊敗法國就仲威威。原本嗰日英倫三島可以全部攞分，不過北愛爾蘭就唔爭氣，作客冰島諗住1:1和局收場之際，點知基利士比完場前擺老烏，最後輸1:2。大軍飛返倫敦前，佐治麥卡尼唔知係咪怪基利士比，兩個仲打起交上嚟，認真醜死鬼。