官恩娜（Ella）師妹梁雨恩日前推出首張個人專輯《Underthesun》，前晚她在時代廣場舉行迷你音樂會造勢，Ella也到場打氣。曾向Ella公開求婚、早前還冒充記者混進楊千嬅記者會的男fans前晚又再出現，Ella接受訪問時，他就站在附近大聲唱國語情歌，Ella數度向他示意要細聲點，最後驚動保安。
快落實過檔
Ella說：「我希望佢唔好滋擾到其他人，我相信佢係冇惡意嘅。」問她可擔心個人安全？她說：「我都打得吓，唔怕，而且身邊有同事保護我。」Ella往乘電梯落停車場時，該男fans一度緊隨，但最終未能突破防線。
最近有傳Ella與梁雨恩將隨經理人齊齊轉投BMA，前晚BMA旗下的南華球星文彼得也有到場。事後Ella說：「好多嘢未落實，最好問番老闆。」至於文彼得到場，梁雨恩則說：「佢係老闆嘅朋友，我知公司用咗好多時間先邀請到佢嚟。」文彼得卻謂自己是路過。
採訪、攝影：吳佩思