周汶錡、王凱韋、王貽興及陳敏之昨日電視城錄影《味分高下》，才子王貽興在節目內「單挑」名模周汶錡，在環節「一啖點心」指周汶錡無演技，激得周汶錡扁扁嘴，最後王貽興、陳敏之贏取58,500獎金。
騷長腿誘主持
周汶錡（Kathy）穿着短牛仔裙，大騷長腿，說話時又嗲聲嗲氣，即場迷倒庾澄慶及鄧健泓兩位主持，給予她多次重試的機會，可惜最後在「身家大轉移」輸掉所有錢，Kathy不忿氣說：「我唔係輸！咪當捐畀佢囉！」
全晚表現風騷的王貽興說：「我都係搞氣氛！唔同時間做唔同嘢，《味分高下》係開心搞笑節目，我咪表現得搞笑啲！」王貽興今次跟傳被力捧做司儀的鄧健泓同台，怕不怕比較？他說：「唔怕，每個人有機會表現自己，你有才華就有機會，良性競爭係好事。」
採訪、攝影：楊潔雯