佘詩曼前晚跟錢嘉樂一起參與遊戲節目《味分高下》的錄影，視后阿佘整晚都被錢嘉樂拿來開玩笑，既笑她啜功了得，又指她好勝，令阿佘哭笑不得。對於有指樂易玲袒護宣萱，令阿佘一姐地位不保，阿佘聲稱：「影月曆啫，未到咁誇張。」她還大讚樂小姐對個個都好照顧。
佘詩曼、錢嘉樂、楊崢及梁漢文前晚於將軍澳廣播城錄影節目《味分高下》，錢嘉樂整晚都開佘詩曼玩笑，令視后哭笑不得。他們玩「身家大轉移」啜麵條鬥長的遊戲時，錢嘉樂取笑佘詩曼說：「我有睇你啲戲，你啲啜功好叻。」阿佘聞言即作狀打錢嘉樂，他還望着阿佘說：「我份人好好勝㗎，睇輸贏睇得好緊，我都係跟你好勝咋。」令在旁的阿佘只能苦笑。
講有味笑話
錢嘉樂最終啜得5呎長的麵條，他即場大講有味笑話說：「呢啲真係物似主人形。」而梁漢文也不遑多讓，啜了5呎多長的麵條，嘉樂隨即搞笑說：「係咪講得啱呀，不過睇唔出你都有咁長。」之後他們又進行刨西瓜的遊戲比賽，最終由錢嘉樂跟佘詩曼一組勝出，獲得52,500元獎金及十萬元獎品。
佘詩曼坦言起初被邀出席節目非常擔心，她說：「一聽到錢嘉樂個名知佢勁玩人，不過知道同佢一pair就放心啲。」但整晚都被他不停取笑，阿佘表示：「預咗佢會講。」提到日前她跟宣萱、鄭嘉穎等往台灣為無綫拍月曆，但有指高層樂易玲全程只照顧宣萱，阿佘的一姐地位不保，阿佘前晚聞言說：「影月曆啫，未到咁誇張。」但有記者指樂小姐甚照顧宣萱，阿佘續說：「唔係呀，樂小姐對個個都好照顧，由頭跟到尾。」
預咗被整蠱
此外，梁漢文透露自《美女廚房》後未有參與遊戲節目，提到《味》節目要食的食物核突，梁漢文表示：「知道，不過玩得都冇所謂，我唔食牛肉，都同佢哋講咗，但我相信唔會核突得過《美女廚房》。」
採訪：楊潔雯
攝影：陳順禎
