陳道然（蘭子）自從與希慎家族後人利承武拍拖後，一直委屈求全，為保戀情不認拍拖。年屆38歲的她早前被傳迫婚不遂，雙料自殺，她前晚又要獨力面對傳媒，直認嫁杏無期，她指利承武沒慰問，更謂：「唔鬧都執到。」蘭子如此自貶身價，執到都未必好！
名模熊黛林、陳嘉容、AnaR.、LisaS.連同陳豪，前晚為金鐘太古廣場名為RidingHigh的秋冬時裝展揭幕，在仿古旋轉木馬上示範Loewe、Celine和Bally等秋冬新裝。
自覺好瘀
嘉賓之一的陳道然早前有報道指她向希慎後人、男友利承武迫婚不遂，服藥和割脈雙料自殺，手腕更被發現以膠布遮掩痕迹，前晚她便長期將雙手放在身後，但就開腔滔滔不絕的說：「我𠵱家要多啲出嚟，等人知我未死。我有美國朋友越洋打嚟、有朋友喊住打畀我，祈文傑喺青海都打嚟，『死訊』帶嚟朋友關心。」
蘭子續說：「迫婚不遂喎，覺得自己好瘀，假假地我都係香港小姐出身，𠵱家好似俾人劫財唔劫色咁，為咗表示雜誌係錯，我今年、下年同後年都唔會結婚！」不過她隨即又承認是沒人要，她說：「其實我係嫁唔出。」問她與利承武有否因此感情大進？蘭子仍維護男友說：「大家係朋友，自身都要面對好多問題。」問到男友有否慰問她？她說：「冇喎，唔鬧都執到啦，呢個環境都不離不棄，都衷心感激啦，佢都冇賺過娛樂圈錢，冇必要承受呢啲嘢。」
Wendy極誘惑
其他嘉賓包括利孝和夫人、郭秀雲、周啓邦夫婦，趙世曾更與極低胸的Wendy出席，問趙世曾何時結婚？他笑着說：「我結咗好耐啦，再結咪重婚。」他更謂會考慮再生。問他可喜歡兒子趙式浩的女友羅苡芝，他即說：「邊個嚟㗎，24歲咁後生，細路仔做吓朋友得，唔使咁認真。」
採訪：MaggieLaw
攝影：ChanChiLam
