12/09/2007.....
天晴
最新動態
今晚可謂賭友嘅大日子，賭足18小時，期間應有盡有，有莊家噩夢嘅女子世界盃、有今季第一次嘅谷草夜馬，凌晨起列強出動，英法聯同上次輸死人嘅「雙牙」有得睇，賭本有盡，運氣有盡，能過五關斬六將者，少之又少。個人信念係要揀選獅子撲兔場次作重心出擊，否則只係嘥時間嘥精神，越均勢越多人講嘅賽事只係肥了莊家。
你見馬會連馬主嘅年幼子女都准入場，擺明玩特權階級兼培育馬場接班人，不認還須認，嗰位所謂名馬評人，咪成日只識護航；喺足球節目講馬，講到眉飛色舞，鏡頭轉番講波，連女足幾時截止投注都搞錯，真係又笑死我同牽牛兄。
言歸正傳，上次日馬10場大熱門全輸，可見風險之大；今日重心依然放喺部份強弱懸殊嘅國際賽，信女足專家吾中捧挪威女足W，自己最鍾意又係挪威上盤，不過係全面回蘇嘅男足，同要必勝嘅比利時W，3串1有5、6倍，幾抵玩㗎。
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報