西班牙報章大事渲染史奈達係碧咸接班人，查實我求大俠聽美國行家講，真正嘅「新碧咸」已喺美國踢緊波啦！碧咸個大仔布魯克林今年8歲，深得老父七旋斬真傳，𠵱家喺美國青年比賽一枝獨秀，仲踢到大自己4年嘅「哥哥」無晒心機，睇嚟唔使幾耐，巴塞、阿仙奴等專搵𡃁仔嘅球會，必以天價購入「新碧咸」！