英國型佬曉格蘭特（HughGrant）雖然年屆47，但仍未肯修心養性，去年他與名媛女友JemimaKhan分手，就被指是捨不得放棄風流寡佬的生活，日前阿曉更被影到與三位年輕貌美的靚女，相約在鄧永鏘開設的倫敦星級中餐館ChinaTang共聚，可謂艷福無邊。
曉格蘭特無論台前幕後，向來都予人不羈的印象，事實上他04年與名媛JemimaKhan拍拖後，被指風流性格不改，二人最終於今年初分手。雖然後來有記者影到阿曉不時與Jemima約會，但據悉他只抱着拍散拖的心態，因為他不願再為一棵樹，放棄整個森林。
消息指阿曉現時非常享受單身生活，在剛過去的周末，他就在家中大開派對，慶祝自己47歲生日，更請來搖滾樂隊VanTramp表演。而前一晚，阿曉就被影到與三名年輕靚女在香港富商鄧永鏘開設的倫敦餐館ChinaTang約會，預祝牛一。
被撞破無癮散水
當晚阿曉以一貫的恤衫西褲look現身，與其中一名先到達的靚女在ChinaTang進餐，飯後另外兩名索女才施施然到達，然後四人在餐館中的酒吧把酒談心。從相片所見，三名女子均青春貌美，比起與阿曉藕斷絲連的Jemima年輕得多。未幾阿曉與三位靚女決定轉場，當他準備駕駛其剛剛落地、約值過百萬港元的AudiR8跑車離去時，忽然見到門外有大批記者守候。風流飯局被人撞破，原本滿面笑容的阿曉隨即面黑，並着三位靚女搭計程車離開，自己則無癮地駕着靚車離去，但估計他們之後在某處會合，繼續狂歡。
名人飯堂記者多
其實鄧永鏘開設的ChinaTang，向來是倫敦名人飯堂，名模姬蒂摩絲（KateMoss）、祖廸羅（JudeLaw）及約克公爵夫人莎拉（SarahFerguson）等人均是常客，因此門外經常駐紮大批狗仔隊，下次阿曉拖女嘆中菜又怕被人影，還是回家叫外賣較安全。
哈利仔有嘢噏
曉格蘭特喺街度召妓都試過，今次只係同三位靚女嘆中菜，都唔明點解咁鬼祟？