國際唱片業協會香港會總裁馮添枝嘅太太陳英，喺上月29日病逝，終年54歲，馮添枝噚日喺香港殯儀館為亡妻設靈，雷安娜同鄺美雲到場鞠躬致祭。 馮添枝話心情平復咗唔少，佢話：「我太太一直係我嘅最佳拍檔，佢年頭發現有末期卵巢癌，終於都敵唔過病魔，希望佢由人間去到另一個空間有新嘅旅程。」