薛家燕嘅老公石保慶走咗佬十幾年，當年家燕姐喺屋企等到變咗望夫石，都等唔到老公出現，佢苦等三年後申請離婚。 最近有報道話石保慶想同家燕姐復合，噚日家燕姐喺電視城出現，佢好決絕咁話：「一定唔復合，人隨住時間心態唔同咗，我理想高咗，要求高咗，班仔女見到佢開心，想爸爸愛錫，我唔介意佢見啲仔女。」