《味分高下》昨日在將軍澳電視城錄影，嘉賓有伍詠薇、陳山聰、關心妍及陳柏宇。關心妍為了爭取獎金不顧儀態，食百潔布，又走光塞提子入口，最後在「身家大轉移」贏取47,500元獎金，以及10萬元獎品。
有交租借車用
「味之天使」梳打賈曉晨（JJ）被指跟李子雄有曖昧關係，JJ否認傳聞，她說：「佢係我Daddy個朋友，因為我一個人來香港，Daddy擔心我，就叫佢個朋友租間屋畀我，咁佢間樓又未賣到，如果佢賣到我就要搬，我係自己交租，一半係我公司借畀我，另一半係Daddy畀。」至於JJ駕駛李子雄登記的私家車，她說：「佢唔喺香港住，咁佢同我Daddy講話畀架車我用，我本來想轉名，但係我個牌未夠三年買唔到保險，今年牌費我係自己畀。」
採訪：楊潔雯
攝影：陳順禎